1 Samuel 10:9-11

Ang Biblia (1978)

Si Saul na kasama ng ibang mga propeta.

⁹ At nangyaring gayon, na nang kaniyang matalikdan na iwan niya si Samuel, ay binigyan siya ng Dios ng ibang puso: at ang lahat na tandang yaon ay nangyari sa araw na yaon.

¹⁰ At ^(A)nang sila'y dumating doon sa burol, narito, isang ^(B)pulutong na mga propeta ay nasasalubong niya; at ang Espiritu ng Dios ay makapangyarihang suma kaniya, at siya'y nanghula sa gitna nila.

¹¹ At nangyari nang makita siya ng lahat na nakakakilala sa kaniya nang una, na, narito siya'y nanghuhulang kasama ng mga propeta, ay nagsalisalitaan ang bayan, Ano itong nangyari sa anak ni Cis? Si ^(C)Saul ba ay nasa gitna rin ng mga propeta?